«қонунчилик палатаси» тегли мақолалар
Йўл қоидалари бузилганда ваколатли орган 15 кун ичида қарор чиқармаса, ҳайдовчи жаримага тортилмаслиги белгиланмоқда (хабар янгиланди)
Депутатлар биринчи ўқишда қабул қилган қонун лойиҳасига кўра, йўл қоидалари бузилишига оид маълумотлар жарима тўғрисида қарор чиқаришга ваколатли бўлган шахсга 48 соат ичида юборилиши керак. Шундан сўнг у 15 кун ичида жарима солиш ҳақида қарор чиқариши лозим. Акс ҳолда ишни кўриб чиқиш тугатилади.
Сенат ҳуқуқ-тартибот ходимлари видеоларини «обрўсизлантириш мақсадида» тарқатишни тақиқловчи ўзгартиришни ҳали ҳам кўриб чиқмади
Ўзбекистон Сенати ҳуқуқ-тартибот идоралари ходимлари фаолиятига оид тасвирларни «обрўсизлантириш мақсадида» тарқатганлик учун жазони назарда тутувчи ўзгартиришни ҳали кўриб чиққани йўқ. Конституцияга кўра, Сенат қонунни кўриб чиқиши, акс ҳолда ҳужжат тўғридан-тўғри президентга юборилиши керак эди.
Умра зиёратини ташкил қилиш учун лицензия жорий этиш режалаштирилмоқда
Қонунчилик палатаси Умра зиёратини ҳуқуқий жиҳатдан тартибга солиш бўйича қонун лойиҳасини биринчи ўқишда қабул қилди. Ҳужжат зиёратни ташкил этиш ва ўтказиш билан боғлиқ фаолият учун лицензия турини жорий этишни назарда тутади.
Болаларга нисбатан ғамхўрлик кўрсатмаслик, эксплуатация ва буллинг ҳам зўравонлик дея белгиланмоқда
Қонунчилик палатаси депутатлари болаларга нисбатан зўравонлик шаклларига ғамхўрлик кўрсатмаслик, эксплуатация ва буллинг қўшишни назарда тутувчи қонун лойиҳасини биринчи ўқишда қабул қилди. Қонун билан болаларга ҳам ҳимоя ордери бериш таклиф этилмоқда.
Президент парламент ваколатларига киритилган ўзгартиришларни тасдиқлади
Президент парламент палаталари ваколатларини янги таҳрирдаги Конституцияга мувофиқлаштирувчи ўзгартишларни тасдиқлади. Ўзгаришлар орасида ҳар икки палатанинг ўзини ўзи тарқатиб юбориш ваколати, бош вазирни тайинлашнинг янги тартиби, қонунларни тасдиқлаш муддатини ўзгартириш ва бошқалар бор.
Иқтисодий санкциялар бўйича қонун лойиҳаси ҳеч қайси давлатга қарши қаратилмаган — Қонунчилик палатаси
Қонунчилик палатаси иқтисодий санкциялар бўйича қонун лойиҳаси ҳеч қайси давлатга қарши қаратилмаганини маълум қилди. Аввалроқ тармоқларда Ўзбекистон Россияга қарши молиявий санкцияларга қўшилишга қарор қилгани ҳақида хабарлар тарқалганди.
Депутатлар йўл ҳаракати билан боғлиқ яна бир қонун лойиҳасини қабул қилмади
Депутатлар кичик қувватдаги электр двигателли транспорт воситаларидан нотўғри фойдаланиш, уй ҳайвонларини йўл минтақасида қаровсиз қолдирганлик ва чапга бурилиш ёки қайрилиб олиш қоидаларини бузганлик учун жавобгарликлар кўзда тутилган қонун лойиҳасини қабул қилишмади. Қонун муҳокамаси тафсилоти.
Банкларга иқтисодий санкциялар хавфи туфайли мижозга ҳисобварақ очишни рад этиш ҳуқуқи берилиши мумкин
Қонунчилик палатаси иқтисодий санкциялар бўйича қонун лойиҳасини биринчи ўқишда қабул қилди. Ҳужжат билан банкларга иқтисодий санкциялар хавфи мавжуд бўлган тақдирда, мижозларга ҳисобварақлар очиш ва операцияни амалга оширишни рад этиш ҳуқуқи берилмоқда.
Депутатлар қоидабузарлик жаримаси автомобиль эгасига эмас, уни бошқарган шахсга жўнатилиши ҳақидаги қонун лойиҳасини рад этди. Тафсилотлар
Йўл қоидалари бузилганда, автомобилнинг эгаси эмас, уни бошқарган шахс (ижарага берилган шахслар, яқин қариндошлар ва бошқалар) жавобгарликка тортилиши кўзда тутилган қонун лойиҳаси депутатлар томонидан рад этилди. Ўзгартириш коррупцияга йўл очиб бериши таъкидланди. Қонун муҳокамаси тафсилоти.
Марказий сайлов комиссияси таркиби ўзгартирилмоқда
Қонунчилик палатаси депутатлари Марказий сайлов комиссиясининг 14 нафар аъзоси ваколатларини тугатиш ва 2 нафар янги аъзони сайлаш бўйича қарорлар қабул қилиб, Сенатга юборди. Амалдаги қонунчиликда МСК парламент палаталари томонидан 9 нафар аъзодан иборат таркибда тузилиши белгиланган.
Олий Мажлис фаолиятини Конституциянинг янги таҳририга мослаштириш бўйича қонун маъқулланди
Сенаторлар Олий Мажлис палаталари фаолиятига оид қонунларни янги таҳрирдаги Конституцияга мувофиқлаштириш бўйича қонунни маъқуллади. Унга кўра, Сенат аъзолари сони 100 тадан 65 тага қисқаради, уларнинг 9 нафарини президент тайинлайди, Қонунчилик палатаси ва Сенат ўзини ўзи тарқатиб юбора олади.
«Гап бутун миллат саломатлиги ҳақида кетяпти». Депутатлар Тошкент ҳавоси ифлосланиши юзасидан экология вазирининг ахборотини эшитади
Депутатлар мамлакат ва Тошкент ҳавосининг ифлосланиши ҳақидаги саволларга жавоб бериши учун экология вазири Азиз Абдуҳакимовни парламентга таклиф қилади. Бу мавзу экологиядан бутун халқнинг хавфсизлиги ва саломатлиги билан боғлиқ ижтимоий аҳамиятга эга бўлган даражага кўтарилди, деди депутат.
Дори моддаларини давлат рўйхатидан ўтказишга оид норма бекор қилиниши мумкин
Депутатлар дори моддалари (субстанциялар)ни давлат рўйхатидан ўтказишга оид нормани бекор қилиш назарда тутилган қонун лойиҳасини қабул қилди. Шунингдек, лойиҳада ССВ ваколатидан рецептсиз бериладиган дори воситалари рўйхатини йилига камида бир марта тасдиқлаш нормаси чиқарилмоқда.
«Демак, бизни алдаган бўлиб чиқяпсизлар». Депутат газ ва нефть ишлаб чиқарувчи компанияларга бериладиган имтиёзларга қарши чиқди
Фойдали қазилмалар қазиб олувчи компаниялар учун навбатдаги имтиёзни жорий этиш режа қилинмоқда. Келаси 2 йилда металл ва углеводородлар қазиб олишни бошлайдиганлар рента солиғидан умрбод озод этилиши мумкин. Депутат Дониёр Ғаниев бунга қарши чиқса-да, ҳамкасблари нормани барибир қабул қилди.
Қонунчилик палатаси депутатлари сайлови аралаш сайлов тизими асосида ўтказилади
Президент Қонунчилик палатаси депутатлари сайлови аралаш сайлов тизими асосида ўтказилиши кўзда тутилган қонунни имзолади. Шунингдек, сиёсий партиялар депутатликка номзодлар кўрсатаётганда аёллар сонининг энг кам миқдорини номзодлар умумий сонининг 30 фоиздан 40 фоизга ошириш режалаштирилмоқда.
Қонунчилик палатаси йиғилишида рақобат тўғрисидаги қонун кун тартибидан чиқарилди
Қонунчилик палатаси депутатлари рақобат тўғрисидаги қонун ҳужжатларига ўзгартишлар киритишни назарда тутувчи қонун лойиҳасини кун тартибидан чиқарди. Унда давлат ёрдами бўйича лойиҳаларни Рақобат қўмитаси билан маслаҳатлашишни мажбурий қилиш, айрим санкцияларни юмшатиш таклиф этилганди.
Ўзбекистонда чегарада ундирилиши белгиланган йиғимларни божхона ҳудудида тўлаш имкониятини яратиш режалаштирилмоқда
Қонунчилик палатасининг навбатдаги мажлисида депутатлар божхона расмийлаштирувидан ўтказишда чегарада ундирилиши белгиланган йиғимларни божхона ҳудудида тўлаш имкониятини яратиш кўзда тутилган қонун лойиҳасини биринчи ўқишда қабул қилди.
Ўзбекистонга дронларни ноқонуний олиб кирганлик учун жазони енгиллаштириш кўзда тутилган қонун лойиҳаси қабул қилинди
Қонунчилик палатаси депутатлари дронларни ноқонуний олиб кирганлик ва улардан фойдаланганлик учун жазоларни юмшатиш тўғрисидаги қонун лойиҳасини қабул қилди. Унга кўра, ҳуқуқбузарлик учун маъмурий жавобгарликни назарда тутувчи норма киритилмоқда. Ҳозирда бу учун фақат жиноий жавобгарлик бор.
Депутатлар Ўзбекистонга дронларни олиб кирганлик учун жазони енгиллаштиришни муҳокама қилмоқда
Қонунчилик палатаси Ўзбекистонга дронларни олиб кириш ва улардан фойдаланиш учун жазоларни юмшатиш тўғрисидаги қонун лойиҳасини биринчи ўқишда қабул қилди. Ҳозирда бунинг учун жиноий жавобгарлик бор, лекин келажакда биринчи ушбу ҳуқуқбузарлик учун фақат маъмурий жавобгарлик бўлиши кўзда тутилган.
Депутатлар ҳуқуқ-тартибот ходимлари тасвирларини «обрўсизлантириш мақсадида» эълон қилганлик учун жазолаш кўзда тутилган қонунни қабул қилди
Қонунчилик палатаси йўл ҳаракати хавфсизлиги тизимини такомиллаштиришга қаратилган қонун қабул қилди. Ҳужжатда, шунингдек, Ўзбекистон ҳуқуқ-тартибот идоралари ходимларини «обрўсизлантириш мақсадида» сурат ва видеоларини интернетга жойлаганлик учун жазолаш тўғрисидаги банд ҳам ўрин олган.
Энг кўп ўқилган хабарлар | Сўнгги янгиликлар
- Тўлдирилди: Давлат идоралари ўз автопаркини электромобиллар билан янгиламоқда
- Paynet`нинг таъсисчиси ўзгарди. Тўлов хизматининг янги эгаси ким?
- «Муваффақият жинсга эмас, билим ва қобилиятларга боғлиқ». Мактабда ўқийдиган дастурчи қизлар — лойиҳалари, орзулари ва стереотиплар ҳақида (2)
- Ўзбекистон Афғонистонга 169 тоннадан ортиқ инсонпарварлик ёрдамини юборди (фото)
- Тошкентда навбатдаги «Автомобилсиз кун» акцияси — фото, видео
Қўшимча имкониятларга эга булиш учун сайтда рўйхатдан ўтинг